Марин Чилиќ го помина првото коло од тенискиот турнир во Токио, откако по неверојатни три и пол часа игра го победи Жоа Менезес. Хрватот се радуваше во 6:7, 7:5, 7:6, иако во вториот сет Бразилецот имаше водство од 1:0 во сетови и 5:3 во гејмови, плус сервираше за победа на мечот.
Чилиќ успеа да направи бјрејк и да намали на 4:5, а потоа следуваше шоу на Хрватот. Фаворитот ги освои и следните два гејма и со 7:5 го доби вториот сет, изранувајќи на 1:1. Третиот сет беше уште подраматичен, иако почетокот не го навести тоа.
Хрватот водеше со 5:0 во сетови и имаше 40:0 на сервис на противникот, што значи три меч топки. Бразилецот не се предаде и во овој гејм спаси пет меч топки, намалувајќи на 5:1. Од тој момент Менезес направи серија од шест гејма по ред, па од целосно загубена ситуација стигна до 6:5 и повторно сервираше за победа. Во овој период, Чилиќ не искористи уште три меч топки, па мораше да брка брејк за да остане во игра за 6:6. Во тој момент и Бразилецот имаше меч топка, но не ја искористи, па мораше да се игра тај-брејк за да се дознае победникот.
Во тај-брејкот, Чилиќ пропушти уште две меч топки, за на крајот, дури 11-тата меч топка да ја искористи и да стигне до победа.
