Фудбалерот на Лацио, Чиро Имобиле, преку социјалните мрежи им испрати порака на сите кои се радуваа откако утна пенал на синоќешниот куп-меч со Наполи, кога пред да шутне, се лизна. Лацио загуби и беше елиминиран, па Имобиле сакаше да го каже своето мислење.
„На лешевите од лавови, им се радуваат кучињата бидејќи мислат дека победиле. Но, лавовите секогаш ќе бидат лавови, а кучињата ќе си останат само кучиња. Напред Лацио“, напиша најдобриот стрелец во Италија и човек кој го носи Лацио кон место во Лигата на шампионите, можеби и до изненадувачка титула во Серија А.
