Шпанскиот репрезентативец Марко Асенсио во следните два дена може да го напушти ПСЖ, објавија германските медиуми.
Според новинарот на „Скај Германија“, Патрик Бергер, лидерот во Бундеслигата, Баер Леверкузен е заинтересиран да го ангажира Асенсио во финишот од зимскиот преоден рок. Тренерот на Баер Леверкузен веќе го контактирал Асенсио и го повикал да се пресели во Бундеслигата.
Управата на ПСЖ најави дека нема шанси да го пушти Шпанецот да си замине среде сезона, но самиот фудбалер може да побара трансфер и да го забрза евентуалниот трансфер.
https://twitter.com/Plettigoal/status/1752079743875162175
Причина за незадоволството на Асенсио е малата минутажа која ја добива од Луис Енрике во ПСЖ, тој досега одигра само 571 минута во сите натпреварувања.
Според германските медиуми, Баер ќе се обиде до први февруари да го донесе Асенсио, кој треба да претставува големо засилување за екипата во битката за титулата, најверојатно на позајмица до крајот на сезоната.
