Саудискиот тим Ал-Етифак би можело да го ангажира шпанскиот голман Давид де Хеа, кој сè уште е без тим, објави таблоидот „Сан“.
Тренерот на Ал-Етифак, легендарниот капитен на Ливерпул, Стивен Џерард, го кани Де Хеа, кој дури 11 години го чуваше голот на најлутиот ривал на Црвените, Манчестер јунајтед, да го прифати предизвикот и да се пресели во Саудиска Арабија.
Оваа вест е пресвртница околу иднината на Де Хеа бидејќи Шпанецот во летниот преоден рок одби неколку понуди од Саудиска Арабија сакајќи да остане во Европа или да се пресели во Интер Мајами и да игра заедно со Лионел Меси.
Де Хеа исто така неодамна одби понуда вредна два милиони евра месечна плата од Ал-Наср.
Но, бидејќи не му пристигна ниту една понуда, Ал-Етифак и Стивен Џерард му нудат можност повторно да брани.
Според „Сан“, доколку Ал-Етифак не ги задоволи барањата на Де Хеа, останатите саудиски екипи ќе се вклучат во трката по неговиот потпис.
