Еден од најталентираните играчи во Европа, Матајс де Лихт, најверојатно кариерата ќе ја продолжи во Пари Сен Жермен. Според пишувањата на „Ел Мундо Депортиво“, дефанзивецот на Ајакс, ја прифатил понудата на францускиот првак, пред тоа што го нудеа Јувентус, Барселона и Манчестер јунајтед за негово ангажирање.
Каталонскиот гигант беше фаворит за доведување на Де Лихт, но понудата на ПСЖ била многу попримамлива. Де Лихт во ПСЖ ќе добива 12 милиони евра по сезона, а „светците“ за неговиот трансфер ќе платат 75 милиони евра. Младиот играч од одбраната, во минатата сезона одигра 55 меча за Ајакс и беше еден од најзаслужните што тимот ја освои титулата во Холандија, а стигна и до полуфиналето во Лигата на шампиони.
