Навивачката група на Црвена ѕвезда, Делии, неодамна заедно со фановите на Наполи, во Рим им одзедоа неколку знамиња на навивачите на Рома, а знамињата беа запалени вчера на мечот на Ѕвезда со Чукарички во Белград, што предизвика потрес во навивачките кругови во Европа.
Во одбрана на навивачите на Рома застанаа поддржувачите на Интер, а фановите на Лацио и Наполи зборуваат за историски срам кој го преживеале навивачите на Рома и нивната озлогласена подгрупа формирана пред 50 години.
Сега римјаните бараат начин како да се одмаздат, а еден од плановите им е тоа да го направат со помош на нивните побратимени групи, меѓу кои се и загрепските Бед Блус бојс и навивачите на Панатинаикос. На 10-ти март, ПАО во Атина треба да игра евролигашки меч против Ѕвезда, па можно е тука да има „акција“.
