Откако напиша порака „Напред Барселона“ после победата на каталонците над Интер, сега Макси Лопес испрати уште една провокација до неговиот поранешен пријател Мауро Икарди и неговата поранешна сопруга Ванда Нара.
Макси е татко на трите сина на Ванда, а Икарди кој му ја „украде“ жената, има две ќерки со 32-годишната Аргентинка.
„Иако мајка им сака да им облекува дресови на други тимови, тие тројца се фанови на Ривер плата. Среќен сум што моите деца се љубители на фудбалот, што одат по стадиони и ќе растат како здрави личности. Не можам да ги однесам на стадионот на Ривер бидејќи се во странство, но ога ги однесов, беа воодушевени. Во неделата ги прашав како им е во Италија, разговаравме за фудбал, ми кажаа за Лигата на шампионите и Либертадорес купот“ – изјави Макси, кој до летоска играше за бразилскиот клуб Васко де Гама, а дел од кариерата мина и во Барселона, па можеби искрено навивал за Барса во дуелот со миланските „црно-сини“.
