Репрезентативецот на Швајцарија, Гранит Џака, својата кариера ќе ја продолжи во екипата на Баер Леверкузен. Трансферот е веќе договорен помеѓу Арсенал и Фармацевтите од Леверкузен и останува само официјална реализација.
Фудбалерот со потекло од Косово беше голема желба на Чаби Алонсо, тренерот на Баер, а раководството на клубот таа желба и ќе му ја исполни.
Гранит Џака по седум години се враќа во Бундеслигата бидејќи во 2016 направи трансфер од Борусија Менхенгладбах во Арсенал за 45 милиони евра.
Моменталната вредност на 31-годишниот фудбалер е 20 милиони евра, а дресот на Арсенал го носеше на 297 натпревари, на кои запиша 23 погодоци.
