Швајцарија го направи најголемото изненадување на Европското првенство откако успеа да го елиминира актуелниот светски првак Франција. Швајцарците одиграа херојски меч и иако губеа со 1:3, успеаја да стигнат до 3:3 и да се изборат за продолженија, а потоа и за пенали.
Во пенал-рулетот, Килијан Мбапе беше трагичарот и единствен кој промаши во петте серии, па Швајцарија се радуваше на пласман во четвртфиналето. За време на пенал-драмата, во центарот на вниманието се најде Гранит Џака, кој реши во клучните моменти да се освежи со Кока-Кола.
Пијалокот кој Кристијано Роналдо го тргна кога беше на прес -конференцијата и порача дека треба да се пие вода, сега се покажа како среќен за Џака и Швајцарија. На социјалите мрежи веднаш започнаа со реакции дека Швајцарија остана на турнирот затоа што Џака пие „Кока-Кола“, а Роналдо е аут бидејќи не го сака овој пијалок.
Xhaka at full time: “Ronaldo should’ve drank coke, now he would be in the Euro quarter finals”
😭😭😭 pic.twitter.com/VaKEdrDaIM
— Madrid Fan (@cristiano_peak) June 28, 2021
Многумина коментираат и за тоа дека акциите на една од најпознатите светски компании повторно пораснаа гледајќи го Џака како пие „Кока-Кола“.
Coca-Cola headquarters after seeing Xhaka drinking coke. pic.twitter.com/QHNRJfSuw6
— Footy Humour (@FootyHumour) June 28, 2021
