Антонио Џовинаци ќе биде партнер на Кими Раиконен во Заубер од наредната сезона во Формула 1. Дваесет и четиригодишниот возач моментално е „бекап“ за тимот на Заубер, односно трет возач, но од следната сезона ќе добие шанса редовно да се појавува на Ф1 патеките.
Џовинаци во сезоната 2017 настапи на две трки како возач на Заубер, како привремена замена за Паскал Верлејн, а истакна дека ќе му биде чест и гордост да го претставува тимот од следната сезона. Ова значи дека Маркус Ериксон ќе биде деградиран во трет возач на тимот.
„Како Италијанец, се гордеам што добив можност да претставувам легендарен и успешен бренд како што е Алфа Ромео во овој спорт“, истакна Џовинаци.
