Денвер нагетс доби на искуство под обрачите со ангажманот на центарот Деандре Џордан.
Досегашниот член на Филаделфија во новата сезона повторно ќе игра во Западната конференција каде помина поголем дел од кариерата. Како поранешен ол-стар, улогата на Џордан во Денвер ќе биде замена за моментално најкорисниот кошаркар во НБА, Никола Јокиќ.
Центарот има 33 години и за него ова е седми клуб. Беше драфтуван како 35 пик во 2008 година од страна на Лос Анџелес клиперс, а Деандре играше уште за Далас, Њујорк, Бруклин, Лејкерс и Филаделфија.
