Напаѓачот на Јувентус, Пауло Дибала, има договор со Јувентус кој му истекува на крајот од сезонава, а потоа е слободен играч. Италијанскиот тим сака да го задржи Аргентинецот и му нуди осум милиони евра по сезона, плус два до три милиони бонуси, но постои услов во кој менаџерот на фудбалерот треба да се откаже од дел од провизијата, што е невозможно.
Токму затоа, Дибала е во потрага по нов клуб, каде што би заминал бесплатно на крајот од сезоната. Најголема е веројатноста во летниот преоден рок тој да пристигне на „Камп ноу“ и да работи под палката на Чави Ернандес.
Paulo Dybala is willing to sign for Barcelona for free in the summer, although it is not his first choice and Barça have other priorities.
— @sport pic.twitter.com/uLfl8lv6kf
— Barça Universal (@BarcaUniversal) February 22, 2022
Дибала во Италија дојде пред 10 години, кога потпиша за Палермо, а во Јувентус пристигна во 2015 година за трансфер вреден 41 милион евра. Во 281 меч за Старата дама, Аргентинецот има постигнато 112 голови, а освои и 12 трофеи, од кои пет се во првенството на Италија.
