Дончиќ го сруши рекордот на Леброн, но не можеше сам да ги победи Клиперс (Видео)

Лос Анџелес клиперс се пласира во полуфиналето на Западната конференција во НБА-плејофот откако во решавачкиот седми меч на свој терен, со 126:111 го победи Далас маверикс. Со овој триумф, Клиперс си обезбедија пресметка со Јута џез.

Мечот во „Стејплс центарот“ беше неизвесен до пред крајот на третата четвртина, кога беше 81:81, а потоа домаќините направија серија од 21:4 и стигнаа до 102:85, а потоа беше и 106:87, предност која не дозволија да ја испуштат до крајот на средбата и на крајот се радуваа со 4:3 во победи во една необична плејоф-серија.

Во првите шест меча на овие два тима, гостите победуваа, нешто што се нема случено во историјата на плејофот. Клиперс на крајот не дозволија и четврти пат да бидат поразени на свој терен и предводени од Каваи Ленард, кој имаше 28 поени, 10 скока и девет асистенции, се пласираа во следната фаза. Одлични кај домаќините беа и Морис со 23 поени, а Џорџ имаше 22 поени, 10 асистенции и шест скока.

Кај Далас блесна Лука Дончиќ, кој заврши со 46 поени, 14 асистенции и шест скока, со што стана најмлад кошаркар кој дал 40+ поени во мајсторка од плејоф. На Словенецот тоа му успеа со 22 години и 98 дена, надминувајќи го рекордот на Леброн Џејмс, а зад него се Џемал Мари, Оскар Робертсон и Алан Ајверсон.

https://youtu.be/ypTlTENvOt4

 

- Оглас -

Најнови вести