Лука Дончиќ продолжува со феноменалните игри, а овојпат во сенка го „фрли“ и најдобриот шутер на денешницата Стеф Кари. Далас победи на гостувањето кај Голден стејт со 107:101, а Словенецот одигра во МВП ритам и заврши со 31 поен и 11 скока.
Кај Голден стејт најпрецизен беше Кари со 27 поени, но тоа не беше доволно Воините да се спасат од пораз на свој терен.
Никола Јокиќ одигра скромно и заврши само со осум поени, но затоа додаде 11 асистенции, а имаше и 18 скока, па тоа беше доволно за неговиот Денвер да слави убедливо против Портланд со 124:92.
Очајно одигра Лос Анџелес лејкерс, кој загуби убедливо од Њу Орлеанс со 123:95. Леброн Џејмс даде 32 поени, но едноставно не можеше сам да се спротистави на расположените противници.
Резултати: Шарлот – Детроит 126:127 по продолжение, Хјустон – ЛА клиперс 98:99, Голден стејт – Далас 101:107, Портланд – Денвер 92:124, ЛА лејкерс – Њу Орлеанс 95:123.
