Селекцијата на Словенија ја оправда фавортиската улога, но потешко од очекувањата ја совлада Венецуела во првиот натпревар на кошаркарскиот Мондијал.
Словенците дојдоа до стотката, славеа со 100:85 и тоа благодарение на првата ѕвезда, Лука Дончиќ. Првата четвртина ја доби Венецуела со 31:33, но потоа на сцена стапи Дончиќ и на одмор, Словенија замина со предност од 56:51.
Во второто полувреме, словенечките кошаркари постојано имаа предност, веднаш дојдоа до двоцифрена разлика која ја одржуваа до крајот.
Кошаркарот на Далас на теренот помина дури 31 минута и за тоа време постигна 37 поени, но имаше слаб шут за тројка (2/8). Одличен беше и Мајк Тоби со 21 поен, а Клемен Препелиќ постигна 18 поени за Змајчеки.
Кај Венецуелците одличен беше Гарли Сохо со 16 поени, а Жулиен и Замора дадоа по 12 поени.