Македонската машка ракометна репрезентација вечерва во Хернинг или ќе направи невиден подвиг, или ќе си оди дома, трето нема.
Чудото кое го посакуваат сите на кои при срце им е дресот со црвена и жолта боја, може да се реализира само со сесрдна помош и од домаќинот Данска, но и нашите играчи мора да го завршат својот дел од работата.
Магичниот број е 19. Со барем толку голови разлика вкупно треба да ја победиме Романија и Данска со Португалија. Португалците имаат дадено дури 16 голови повеќе од нас, и тоа не е добро во случај да имаме ист број бодови и иста гол-разлика ако вкупната разлика биде 18.
Затоа, потребно е што поубедлива победа над Романија, а потоа навиваме за Данска. Ќе биде многу тешко, но не е неостварливо. Напред Македонија!
