Репрезентацијата на САД предводена од селекторот Влатко Андоновски се пласираше во полуфиналето на фудбалскиот турнир за жени на ЛОИ во Токио. Американките беа подобри од Холандија и тоа дури по подобро изведување на пенали.
Во регуларниот дел беше 2:2, а Холандија прва даде гол, за да до крајот на првото полувреме САД направи пресврт за 2:1. Во второто полувреме Лалињата израмнија на 2:2, а во 81 минута имаа шанси и за трет гол, но Мартенс промаши пенал, па остана нерешено по 90 минути.
Во дополнителните 30 минти игра немаше погодоци, па мораа да се шутираат пенали. Во пенал-рулетот Американките беа непогрешливи и ги погодија сите четири удари, додека Холандија промаши два пати од шетири шута и тука беше крај за нив на турнирот.
Во полуфиналето се пласираше и Канада која на пенали со 4:3 го победи Бразил, Австралија со 4:3 славеше над Велика Британија и тоа по 120 минути игра, откако во регуларниот дел беше 2:2, додека најлесно помина Шведска која со 3:1 го елиминираше домаќинот Јапонија.
