Двократниот европски шампион од 1985 и 1986 година, Цибона од Загреб, и офцијално отиде во стечај. Финансиските проблеми на клубот немаат крај и во моментов тие должат пет милиони евра.
Според хрватските закони, по 120 дена со блокирана сметка, Цибона автоматски е во стечај, а раководството на клубот тврди дека има план за спас, но имаат само 45 дена да се извлечат од оваа ситуација.
Разврската се очекува и во Скопје, со оглед на тоа дека МЗТ минатата сезона испадна од прволигашката АБА-лига, па доколку Цибона не успее да се консолидира, нивна замена во јадранското друштво ќе биде шампионот на Македонија, МЗТ Скопје.
