Легендарниот американски велосипедист Грег Лемонд објави дека боледува од леукемија и, за среќа, се работи за вид на болест што може да се лекува.
Лемонд е единствениот Американец што на фер начин трипати победи на легендарната трка „Тур де Франс“, во 1986, 1989 и 1990 година, откако на Ленс Армстронг и на Флојд Лендис им беа поништени титулите и победите на трката поради допинг.
„Чувствував замор во последно време и морав да заминам на преглед. Ми открија хронична леукемија, но, за среќа, може да се лекува и не е опасна по живот. Никој не сака да чуе вест дека има карцином, но важно е што е откриен навреме и може да се победи. Подготвен сум да се борам и верувам дека се ќе биде в ред“, изјави 60-годишниот Лемонд.
