Роберто Манчини е блиску до враќање на клупата на италијанската репрезентација, пишуваат дел од фудбалските инсајдери во таа земја. Според Николо Схира, Италијанскиот фудбалски сојуз подготвил договор за Манчини, кој би го обврзал да биде на клупата на националниот тим во 2030 година. Манчини би заработувал по два милиони евра годишно.
Четирикратниот светски првак има очајна декада барем кога се работи за настап на светските првенства. Три планетарни собири во низа се без учество на Аѕурите. Тие не беа дел од СП 2018, потоа во 2022 година загубија од Македонија во Палермо, го пропуштија и Мундијалот во Катар, а пред неколку месеци беа елиминирани од Босна и Херцеговина, па нема да ги видиме ниту на Мундијалот во САД, Мексико и Канада.
Roberto #Mancini is one step away to return on #Italy National Team’s bench. Ready a contract until 2030 (€2M/year). #transfers 🇮🇹 https://t.co/1ZGUhyJrH6
— Nicolò Schira (@NicoSchira) June 8, 2026
Манчини веќе еднаш ја предводеше Италија, и тоа во периодот од 2018 до 2023 година. Под негово водство Италија ја освои титулата на Европското првенство во 2021 година, но потоа следуваше разочарувачкиот настап во квалификациите за СП 2022.
Манчини моментално е тренер на Ал-Сад во Саудиска Арабија, а бил предводник и на екипите на Интер, Манчестер сити, Галатасарај, Зенит и Лацио.
