Новопечениот натурализиран македонски кошаркар, Нејт Сестина, ќе има операција на зглобот на раката и му претстои пауза од околу три месеци.
Ова значи дека Сестина кој се најде на списокот на селекторот Марјан Илиевски за мечевите со Азербејџан и Република Ирска, дефинитивно отпаѓа, а од Американците со македонски пасош ќе може да игра бекот Омари Мур од Валенсија или крилниот центар Џејкоб Вајли кој настаува за литвански Ритас.
Мур вчера против Црвена ѕвезда постигна само 3 поени, но имаше и 7 асистенции и пет скока за 21 минута на терен.
Вајли пред четири дена играше меч од Лигата на шампионите на ФИБА против Легија Варшава и имаше 10 поени и седум скока за 22 и пол минути.
