Фудбалерите на Реал Мадрид со многу напор успеаја да се пласираат во осминафиналето на шпанскиот Куп откако мораа да играат продолженија против Селта. По 2-2 во регуларниот дел, Реал на крајот славеше со резултат 5-2.
Зад Кралскиот клуб е тежок период во којшто остана без трофеј во Суперкупот на Шпанија по тежок пораз од Барселона во финалето (5-2). Сепак, Реал Мадрид синоќа покажа знаци на закрепнување, иако патот до победата не беше воопшто лесен.
Реал поведе со головите на Килијан Мбапе во 37-мата минута и Винисиус јуниор во 48-мата минута, обезбедувајќи релативно сигурно водство. Никој на „Сантијаго Бернабеу“ тогаш не очекуваше дека завршницата на натпреварот ќе биде толку драматична.
Од 83-тата до 91-вата минута Реал прими два гола, а Џонатан Бамба и Маркос Алонсо ја вратија Селта во живот, по што мечот отиде во продолженија.
Во продолженијата младиот Ендрик заблеска и го одведе својот тим во следната фаза. Сите три гола во дополнителните 30 минути беа вистински ремек-дела, оставајќи ги навивачите без здив. Посебен беше вториот гол на Ендрик и последен на мечот кој го постигна со петица и низ нозете на противничкиот голман.
ENDRICK DE TACÓN, SI SI, DE TACÓN PARA PONER EL 5-2.
— Real Madrid Unido™ (@RMadridUniido) January 16, 2025
¡QUE GOLAZO!
Arda Güler ha dado las dos asistencias en los dos goles de Endrick.
Replantéate las cosas @MrAncelotti pic.twitter.com/GHBmyx1FA8
