Манчестер јунајтед и Бетис се наоѓаат во завршна фаза од преговорите за трансферот на Антони. Се очекува договорот да изнесува меѓу 25 и 30 милиони евра, при што шпанскиот клуб ќе добие 50% од правата на фудбалерот.
Бетис со недели инсистираше на позајмица, но раководството на Манчестер јунајтед остана цврсто во ставот дека прифаќа само трајно решение, па како компромис е постигнат овој модел на сопственост.
Бразилецот исто така јасно ставил до знаење дека сака повторно да заигра на „Бенито Виљамарин“, каде што минатата пролет имаше блескави настапи со девет голови и пет асистенции на 26 средби. Тој одби неколку понуди од други клубови само за да се врати во Бетис.
