Бундеслигашот Лајпциг повеќе од еден месец не знае за победа, има серија од шест мечеви во коишто губи или ремизира, а по катастрофата од 1-5 дома против Волсфбург викендов, почнаа шпекулации дека му се тресе тренерското столче на Марко Розе.
Според некои информации од Германија, високо на листата на желби за евентуален нов тренер ако си оди Розе е Ерик тен Хаг, кој неодамна се раздели со Манчестер јунајтед.
Ако Лајпциг го отпушти Розе, тоа ќе биде нова шанса за Елиф Елмас да се наметне кај новиот шеф и да добие поголема минутажа, евентуално и подолго време да остане во клубот во којшто на официјалните мечеви ниту еднаш не играл цели 90 минути, туку постојано е или резерва или стартер, но редовно го заменуваат.
