Фудбалската федерација на Македонија најде одличен начин да му се заблагодари на комплетниот медицински персонал во земјава и одлучи хероите во битката со пандемијата со Ковид-19 да имаат приоритет при набавката на билети за мечевите на македонската репрезентација во Букурешт и во Амстердам.
Се уште не е одлучено дали воопшто Европското прврнство идната година ќе се игра со присуство на публика, но гестот на ФФМ е одличен.
Македонија со сениорски тим за првпат ќе игра на големо фудбалско натпреварување, а распоредот е познат.
На 13. јуни ќе дебитираме против Австрија во Букурешт, четири дена подоцна на истото место ќе играме со Украина, па следи преселба во Амстердам каде на 21. јуни ќе го играме последниот меч во фазата по групи, против Холандија.
Еве го комплетното соопштение на првиот човек на ФФМ, Муамед Сејдини:
Драги пријатели и поддржувачи на македонската репрезентација,
“Би сакал заедно со Вас да споделам една благодарна иницијатива која заедно со Управниот одбор на федерацијата ја преточивме во одлука, а се однесува на распределбата на влезниците за Европското првенствокое 2021 година”.
“Иако во моментот се уште нема конечна одлука од УЕФА за бројот на влезниците за натпреварите од ЕП 2020, бидејќи здравствената ситуација може да наложи и да нема присуство на гледачи на стадионите сепак има надеж дека публика ќе има и секоја федерација ќе добие дел од влезниците за натпреварите на Европското првенство”.
“Затоа одлучивме како награда, доколку ситуацијата со пандемијата се стави под контрола, како резултат за натчовечките напори и заложби кои секојдненво ги прават за заштита на нашето здравје во изминатиот период, а очигледно и во периодот што следува, приоритет за добивање на билети за следење на настапите на македонската фудбалска репрезентација на Европското првенство да имаат сите медицински лица кои се во првите редови во борбата против Ковид – 19”.
“Јасно ми е дека ова е премалку, но чуствувам потреба на медицинскиот персонал на скромен начин да им се оддолжиме за пожртвуваноста и повеќемесечниот труд што го вложуваат за да не заштитат сите нас.
Да им ја искажеме нашата почит за нивната работа и да покажеме дека сме општество што цени вистински вредности”.
“Најсреќен би бил кога во јуни 2021 година нашите медицински лица би ги замениле маските и скафандерите со навивачки реквизити, кога трагите од нив и уморот на нивните лица ќе ги заменат со насмевки за головите што нашите ќе ги постигнат на Европското првенство”
Останете во добро здравје, чувајте се и бидете солидарни и со другите околу вас.
Заеднички и во одлично расположение да го дочекаме Европското првенство и да се радуваме заедно со нашите момци.
