Лос Анџелес лејкерс забележа драматична победа од 122:121 против Мемфис гризлис, иако Шоумените од градот на филмот беа на работ на пораз на нешто повеќе од 3 минути до крајот на мечот.
Гостите од Мемфис водеа со 112:104 и потоа го преспаа финишот во кој извонредно одигра триото на Лејкерс, Леброн Џејмс, Денис Шрудер и Расел Вестбрук.
Набрзина ја стопија предноста на Мечките, а Шрудер со спектакуларна кражба на топката на 7 секунди до крајот во контранапад погоди два поени и плус дополнително слободно фрлање за пресврт и предност на домашната екипа од 122:120.
Драмата кулминираше со фаул за Мемфис на 1.9 секунди до крајот, а Брендон Кларк погоди само едно слободно фрлање и Мечките загубија добиен меч.
WHAT A FINISH in Los Angeles!
Lakers come back for the dramatic win vs. Memphis 🍿 pic.twitter.com/ab4TZm7Ql8
— NBA (@NBA) January 21, 2023
Ветсбрук со 29 поени беше прв стрелец на мечот, а зад него е Џејмс со 23 поени и Морант од Мемфис со 22.
Ноќта со 9 НБА натпревари ја одбележа и Кајри Ирвинг со фантастичен настап за Бруклин нетс во победата од 117:106 кај Јута џез.
Бекот на Мрежичките постигна 48 поени со 11 скока и шест асистенции во симултанката за прекин на серијата од 4 порази на Бруклин.
Kyrie Irving TOUGH shot clinic. 🔥 pic.twitter.com/7CbUbUT7Td
— Hilltop Hoops (@HilltopNBA) January 21, 2023
Останати резултати: Орландо – Њу Орлеанс 123:110, Атланта – Њујорк 139:124, Кливленд – Голден стејт 114:120, Сан Антонио – Л.А. Клиперс 126:131, Далас – Мајами 115:90, Денвер – Индијана 134:111, Сакраменто – Оклахома 118:113.
