Бразилскиот гигант Фламенго е новиот фудбалски клупски шампион во Јужна Америка. Во големото финале на Либертадорес купот, Фламенго на стадионот во Лима во Перу, минимално со 1:0 славеше над големиот бразилски ривал Палмеирас.
Херој на мечот е ветеранот Данило кој го постигна единствениот гол. Во 67 минута беше изведен корнер за Фламенго, а Данило остана сам и тоа максимално го искористи, постигнувајќи гол, кој на крајот се покажа како клучен за освојување на големиот трофеј.
⚽🏆 Jogada histórica: Danilo e o gol do tetra do @Flamengo! #GloriaEterna @CocaCola_Br pic.twitter.com/3SimEkvfpl
— CONMEBOL Libertadores (@LibertadoresBR) November 30, 2025
По примениот гол, Палмеирас се обидуваше да стигне до израмнување, а најдобрата шанса ја имаа во судиското продолжение, но Витор Роке кој играше и во Барселона, од близина шутираше високо над голот.
😮💨 Que chance, Vitor Roque!
⚪️🟢 @Palmeiras
🏆 CONMEBOL #Libertadores pic.twitter.com/fYGT6inRQe
— CONMEBOL Libertadores (@LibertadoresBR) November 30, 2025
За Фламенго ова е четврта титула во Либертадорес купот, повторувајќи го успехот од 1981 година, 2019 и 2022 година, кога беа на фудбалскиот трон на Јужна Америка.
