Претседателот на Реал Мадрид, Флорентино Перес, пристигна во Лондон на вториот натпревар од четвртфиналето против Челзи. Неговата екипа има предност од 2-0 од првиот натпревар и се очекува само рутински да го потврди пласманот во полуфиналето.
Сепак, се чини дека посетата на Перес во Лондон е за да му зададе уште еден голем удар на Челзи. Челниците на Реал Мадрид во својот список со желби за следната сезона имаат дури четворица фудбалери на Сините од Лондон и оваа посета ќе биде искористена за прелиминарни разговори со раководството на Челзи.
Неофицијално, на списокот со желби на Флорентино Перес се Мејсон Маунт, Рубен Лофтус-Чик, Рајс Џејмс и Матео Ковачиќ.
Останува да го сочекаме почетокот на преодниот рок, кон средината на јуни, и да видиме што ќе биде од ова реализирано.