Фудбалските љубители во овој период како опција за следење на најважната споредна работа во светот имаат мал избор. Фудбал се игра само во Таџикистан, Белорусија, Туркменистан, Никарагва и Бурунди. Тоа се првенства за кои во нормални услови речиси и да нема интерес надвор од границите на тие земји, но во време на пандемија ситуацијата е поинаква.
Сите се прашуваат кога повторно ќе има фудбал од Топ 5 лигите во Европа, а Французите одредија датуми. Според најавите, актуелната сезона во француското првенство би требало да заврши најдоцна до 25 јули, а помалку од еден месец подоцна, односно на 23 август треба да стартува и новата сезона.
Едни од најзасегнатите страни во целиот овој хаос се телевизиските куќи, кои очекуваат продолжување на сезоната и повторни ТВ преноси. Телевизиската куќа „Медиа про“ има договор до 2024 година и по сезона плаќа 780 милиони евра. И Канал Плус на годишно ниво издвојува значителна сума пари, односно по 330 милиони евра за преност на мечевите од првата француска лига.
