Крилниот напаѓач на Баерн Минхен, Серж Гнабри, има скинат мускул во задниот дел на бутниот мускул на левата нога и за него клупската сезона е завршена, а проблемот да биде уште поголем, тој најверојатно ќе треба да го пропушти и Европското првенство кое почнува на 14 јуни и се игра во неговата Германија.
Гнабри не беше 100 проценти фит, но играше 27 минути на дуелот со Реал Мадрид и веројатно се префорсирал, па дојде до повреда по која обично мора да се мирува околу шест недели.
Ова значи дека Гнабри би ги пропуштил подготовките на германската селекција за ЕП и не би бил спремен за почетокот на шампионатот, туку само за завршницата, ако Германија стигне дотаму, па на селекторот Јулијан Нагелсман му останува да одлучи дали ќе го повика.
