25.8 C
Skopje
недела, 24 август 2025

Глупавото исклучување на Видал ја остави Барса само со 12 сениори за реваншот со Наполи

Барселона има само 12 сениорски фудбалери на располагање за реваншот од осминафиналето во ЛШ против Наполи. Од овие 12-мина кои се пријавени со броеви на дресови од 1 до 25, двајца се голмани (Тер Штеген и Нето). Иако Барса извлече добар резултат во Неапол, веројатно нема да им биде лесно на реваншот.

Серхио Бускетс доби трет жолт картон и нема да игра, а Артуро Видал во финишот непотребно го предизвика судијата да му покаже црвен картон, па и тој нема да се појави на мечот со Наполи.

Кике Сетјен, кој со 61 година е еден од десетте најстари тренери дебитанти во ЛШ, од првиот тим на располагање ќе ги има само Тер Штеген, Семедо, Пике, Ракитиќ, Артур, Меси, Нето, Ленгле, Гриезман, Де Јонг, Умтити и Жуниор Фирпо. Сите други со броеви од 1 до 25 се повредени или суспендирани.

- Оглас -

Најнови вести