Горан Пандев беше најдобар играч на теренот за Џенова откако влезе на стартот од второто полувреме, па со својот 101-ви погодок во Серија А и асистенцијата до Шомуродов сакаше да ѝ помогне на екипата да оствари епски камбек против Аталанта. Сепак, тимот на Пандев загуби со 3-4 на домашен терен, пораз кој не е значаен бидејќи од претходно е обезбеден опстанокот во елитата.
Гоче беше прецизен од белата точка во 67-та минута кога намали на 2-4, додека во 85-тата минута со асистенција придонесе за Џенова да намали на 3-4, што се испостави како конечен резултат на „Артемио Франки“.
Аталанта имаше сигурни 3-0 по првите 45 минути благодарение на головите на Запата, Малиноски и Госенс, додека Пашалиќ зголеми на 4-1 по 51 минута игра, за на крајот составот на Гасперини мораше да стравува да не испушти два драгоцени бода, со кои речиси сигурно се пласира во Лигата на шампионите.
