Новак Ѓоковиќ одлучи за време на Олимписките игри во Париз да не биде сместен во олимпиското село заедно со останатите спортисти и да престојува на друга локација. Србинот сака да се подготвува во изолација за настапот на Олимпијадата и атакот на првиот златен медал од ЛОИ.
Единствениот медал од Олимпијадите за Ѓоковиќ е бронзениот од Пекинг во 2008-мата, додека во Лондон и во Токио го освојуваше четвртото место. Сепак, на претходната Олимпијада во Токио, Ѓоковиќ велеше дека ужива во олимпиското село.
„Уживам во секој момент, на место со повеќе од 10.000 спортисти, разменуваме мислења, животни приказни и работи за спортот. Такво искуство не може да добиете на ниту едно друго место.“ – рече тогаш Новак Ѓоковиќ.
