Производителите на дресовите на Лос Анџелес галакси си допуштија сериозна грешка при пишувањето на презимето на ѕвездата на тимот, Златан Ибрахимовиќ.
Швеѓанецот играше со грешно напишано име на дуелот со Торонто, на којшто даде два гола. Фановите забележаа дека на грбот на дресот му пишува Ирбахимовиќ, наместо Ибрахимовиќ.
Погрешното име немаше негативен ефект врз играта на Ибра, тој даде два гола, но познавајќи го колку е самобендисан, сигурно имал што да каже кога забележал дека му го утнале презимето.
