Македонскиот фудбалски репрезентативец во селекцијата до 16 години, Александар Полимак, кој се смета за голем талент, направи трансфер. Полимак е дете од школата на Партизан, а српските медиуми пишуваат за негов премин во екипата на ИМТ од Нов Белград.
Уште пред неколку месеци беше најавен овој трансфер, а денеска конечно стигна реализација. Младиот фудбалер е преставен во новиот тим, а ќе го носи дресот со бројот 10.
View this post on Instagram
Клубот од Нов Белград покажува дека има голема доверба во Полимак и планот е полена овој тинејџер да биде вклучен во сениорскиот тим на ИМТ.
Александар важи за лидер на теренот и негова главна цел е да создава шанси, но и да постигнува погодоци. Со доаѓањето во ИМТ неговата кариера треба да продолжи да се развива во нагорна линија.
