Барселона со пресврт успеа да го победи Рајо Валјекано со 2:1 и се пласираше во четвртфиналето од Купот на Шпанија. На голот на Рајо беше македонскиот репрезентативец Столе Димитриевски, кој повеќе од еден час успешно ја чуваше мрежата на домаќините.
Сепак, во 69-тата минута Лионел Меси успеа да ја пробие домашната одбрана и да го матира Димитриевски израмнувајќи на 1:1. До крајот на средбата, Френки де Јонг погоди по вторпат за Барселона и не дозволи каталонскиот гигант да киксира кај второлигашот.
Погодокот што го даде Меси донесе уште еден рекорд за Аргентинецот. За Меси ова беше 76-ти погодок во Купот на Шпанија и сега е клупски рекордер според постигнати голови во ова натпреварување. Досегашниот рекорд беше на Јосеп Самитер, кој погодувал 75 пати во дресот на Барселона во Копа дел Реј.
🔝 Leo #Messi surpasses Josep Samitier on Club list of most all-time Copa del Rey appearances!
🐐 7️⃣6️⃣
Josep Samitier 7️⃣5️⃣
Andrés Iniesta 7️⃣3️⃣
Vicenç Piera 7️⃣1️⃣
Xavi 7️⃣0️⃣ pic.twitter.com/6tDTf9IUeZ— FC Barcelona (@FCBarcelona) January 27, 2021