Голден стејт вориорс ноќеска го совлада тимот на Сакраменто кингс со 127:123 за 26-та овосезонска победа. „Воините“ и „кралевите“ приредија вистинско шоу во „Голден 1“ центарот во Сакраменто, поставувајќи нов НБА рекорд, двете екипи комбинираа вкупно 41 реализирани тројки.
Домаќините погодија дури 20 тројки од 36 обиди со 55.6% успешност во реализација, додека актуелниот шампион застана на 21 тројка, од вкупно 47 обиди.
Шоуто го започна Стеф Кари, кој погоди 10 тројки од 20 обиди, мечот го заврши со високи 42 поени, а од 29-те поени на Кевин Дурант, девет ги реализраше од линијата за три. Кај поразените, Бади Хилд беше најефикасен со 32 поени, а тој заврши со учинок од 8/13 за три поени, додека Џастин Џексон додаде 28 поени, реализирајќи 5/7 за три поени.
Резултати НБА:
Сакраменто кингс – Голден стејт вориорс 123:127
Детроит пистонс – Јута џез 105:110
Филаделфија севентисиксерс – Далас маверикс 106:100
Кливленд кавалирс – Њу Орлеанс пеликанс 98:133
Милвоки бакс – Торонто репторс 116:123
Сан Антонио спарс – Мемфис гризлис 108:88
Портланд трејлблејзерс – Хјустон рокитс 110:101
Денвер нагетс – Шарлот хорнетс 123:110
