Максимален учинок од четири победи на исто толку натпревари забележаа домашните екипи во Евролигата, а најтесно и највозбудливо беше во Милано.
Италијанскиот тим во финишот го скрши отпорот на Макаби и славеше со 87:83. Мајк Џејмс со 19 поени беше најефикасен за нов триумф и зацврстување на Милано на шестата позиција, која води во разигрување за титулата.
Поубедливо славеа ЦСКА Москва против Гран Канарија со 107:85, Анадолу Ефес со триумф од 10 поени разлика, 75:65 против Олимпијакос и Барселона во шпанската пресметка против Баксонија со 77:67.
