Веќе и официјално, Роџерс Мато повеќе не е играч на Вардар. Фудбалерот кој беше најдобар во есенскиот дел од тековната сезона во македонското првенство, потпиша за шкотскиот Хартс.
Овој трансфер на Мато беше најавуван неколку недели, а сега и официјално стигна потврда од шкотскиот тим. Мато е во Единбург, Шкотска, каде што денска ги поминал лекарските прегледи и го ставил потписот на договорот со екипата која е лидер во шкотското првенство.
— Heart of Midlothian FC (@JamTarts) January 29, 2026
Мато постигна 12 гола за Вардар во есенскиот дел, а потоа замина на Африканскиот куп на нациите, каде што настапи во дресот на Уганда, а постигна и еден гол. Сега, неговата кариера продолжува во Шкотска.
Хартс е лидер во првенството на Шкотска и има голема шанса да биде првиот тим кој ќе ја прекине неколкудецениската доминација на Ренџерс и Селтик. Овие две екипи во последните 41 година меѓу себе ги имаат поделено сите шампионски титули во домашното првенство.
…
— Heart of Midlothian FC (@JamTarts) January 29, 2026
Тренерот на Хартс, Дерек Мекинес, најави дека Мато може да биде во составот на Хартс за следниот меч против Данди јунајтед на гости, но мала е веројатноста да игра затоа што доскорешниот фудбалер на Вардар повеќе од еден месец е надвор од ритамот и нема вистински тренинзи.
