Норвешкиот голгетер Ерлинг Халанд смета дека Роберт Левандовски беше најдобар фудбалер на светот за 2021 година. Изборот на Халанд се поклопува со тој на ФИФА, а не и на „Франс фудбал“, кој Златната топка му ја додели на Лионел Меси.
Ѕвездата на Борусија Дортмунд беше прашан за кои тројца фудбалери би гласал за најдобри во минатата година и нема дилеми кој бил број 1.
„Мора да се каже дека моментно број 1 е Левандовски, барем за мене. Тука е и Бензема, кој беше фантастичен, а и Меси е секогаш во самиот врв. Лева е прв, а второто место би им го поделил на Бензема и Меси“, рече Халанд.
