Германскиот бундеслигаш Хановер има огромна позитива од 10 голови стекната по првиот меч со Алкалоид во квалификацисиот дуел за пласман во ЕХФ Европската лига.
За тоа колку го почитуваат и сакаат ракометот во Хановер покажаа и 20-тина навивачи кои со комбе допатуваа од Германија во Скопје, за да ги бодрат своите ракометари.
Пред Алкалоид е речиси невозможна мисија да се достигнат тие 10 голови негатива, но македонскиот тим сепак ќе има причини за радост вечерва. Во салата во Автокоманда е пристигнат трофејот во ЕХФ Купот кој Алкалоид минатата сезона го освои, но не го доби откако АЕК Атина не сакаше да го одигра реваншот од финалето.
Како и да е, вечерва ќе има одлична атмосфера во полната сала во Автокоманда, каде Алкалоид ќе игра со тим од најсилната лига во светот.
