Едно од најголемите изненадувања во историјата на Лига купот се случи синоќа кога четвртолигашот Гримзби успеа да го елиминира англискиот гигант Манчестер јунајтед. Гримзби на домашен терен водеше со 2:0, но Манчестер стигна до 2:2 и се избори за изведување на пенали.
Во пенал-рулетот, Манчестер јунајтед преку Куња имаше шанса со гол да оди во следната фаза, но голманот на Гримзби, Кристи Пим одбрани и ја продолжи драмата. Мораа да се изведат дури 13 серии, односно 26 пенали, кога Пим повторно го надмудри противничкиот играч и го одведе четвртолигашот до победа над огромниот фаворит.
Интересно е дека е навивач на Манчестер јунајтед, па вели дека малку му е жал што неговиот оомилен тим е елиминиран.
„Јас сум навивач на Манчестер јунајтед така да малку сум лут и разочаран. Поради Ваквите мечеви го сакаме и го играме фудбалот. На последниот тренинг речиси еден час вежбав пенали, за секој случај. На крајот, јас одбранив еден пенал, а соиграчите го сторија останатото. Одлично“, рече голманот на Гримзби, Пим.
