Реал Мадрид во средата стигна до уште еден трофеј, триумфирајќи на Интерконтиненталниот куп на ФИФА. Во финалето кое се играше во Катар, актуелниот европски првак со убедливи 3:0 славеше над Пачука од Мексико, кој е првак на Средна и Северна Америка.
Во последните 20 минути од финалето во игра кај Реал Мадрид влезе ветеранот Лука Модриќ, а Хрватот потоа и го подигна трофејот наменет за победникот. Модриќ кој има 39 години уште е една важна алка во тимот на Реал и сезонава одигра 25 меча, а на теренот помина повеќе од 1.100 минути. Актуелниот договор му е до крајот на сезонава.
По освојување на трофејот во Катар, на социјалните мрежи се појави интересно видео во кое во главна улога беше Килијан Мбапе. Французинот кој ја игра првата сезона во дресот на Реал Мадрид, остана збунет кога дозна колку трофеи има освоено Модриќ во дресот на Кралскиот клуб.
Капитенот на хрватската репрезентација се израдува на 28 трофеј освоен како играч на Реал Мадрид и е апсолутен рекордер во повеќе од едновековната историја на најуспешниот клуб во светот. Мбапе вчера наполни 26 години, а коментарот со Французинот стана вирален.
„Па Лука има повеќе освоено трофеи со Реал, отколку што јас има години“, констатираше Мбапе и ги насмена соиграчите во соблекувалната.
Kylian Mbappé finding out Modrić has more Real Madrid trophies than he has yeaes. 😂
— TC (@totalcristiano) December 20, 2024
