Златан Ибрахимовиќ приреди шоу на теренот со двата гола во победата на Милан над Калјари, потоа самобендисаниот Швеѓанец со босанско потекло даваше изјави во негов стил, а се појави и еден друг детал од мечот кој го опишува неговиот карактер. Не е спорно дека Ибра е фантастичен фудбалер, тоа се знае одамна, но се знае и дека некогаш знае да претера со реакциите.
Синоќа Златан во жарот на борбата имаше конфликт со Уригваецот Диего Годин, кој е доволно искусен за да знае како да испровоцира ривал, но одговорот на 39-годишниот Ибра беше фаќање за половиот орган, гест упатен кон Годин. Претходно си разменија и по неколку сочни зборови.