Икарди: Можеме да играме против секого

По неколку години отсуство, Интер повторно е дел од Лигата на шампионите. „Нераѕурите“ во првиот меч играа на свој терен, и тоа против Тотенхем. Англискиот тим имаше водство од 1-0, и така беше сè до неколку минути пред крајот.

Во 86-тата минута капитенот Мауро Икарди со прекрасен волеј удар израмни на 1-1, а потоа, во судиското надополнување Стефан де Вреј погоди за голема победа на калчолигашот.

„Сите беа во шеснаесетникот, но јас останав надвор. Асамоа ми даде фантастична топка, а јас погодив. Денеска го направивме тоа што требаше да го направиме. Знаеме дека сме силен тим и дека можеме да играме против секого. Овој меч го чекавме повеќе од три месеци и сега ни даде дополнителна сила. Сепак, сега мора да останеме смирени и да продолжиме да играме во ист ритам“, рече Икарди по средбата со Тотенхем.

Во групата на Интер се уште и Барселона и ПСВ Ајндховен.

- Оглас -

Најнови вести