Ерлинг Халанд веќе има 43 погодоци во 39 меча одиграни сезонава со што само потврдува дека играчот кој треба да биде во центарот на вниманието во следните 10-тина години. Халанд има само 19 години, но се претвора во суперѕвезда во Бундеслигата.
Норвешкиот репрезентативец погоди за Борусија на гостувањето кај Лајпциг, а интересно е што сепак стрелецот остана во сенка на својот соиграч. Џовани Рејна кој има само 17 години, имаше перфектна асистенција, кога „без гледање“ додаде до слободниот Халанд, а на голгетерот не му беше тешко да ја погоди празната мрежа.
Рејна е тинејџер кој сезонава веќе одигра 14 меча во Бундеслигата, но денеска за прв пат игра како стартер и веднаш ја оправда довербата со прекрасна асистенција. Со овој гол, Борусија стигна до 83 погодоци сезонава во лигата, што претставува клупски рекорд.
