Интер сезонава го загуби чекорот во трката за титулата со Јувентус, но уште има шанси да се бори за трофејот. Нормално, се чека продолжување на Серија А. Додека трае неизвесноста за ова првенство, Нераѕурите полека започнаа да се подготвуваат и за следната сезона.
Според најавите во „Газета дело спорт“, веќе е договорено и првото засилување за тимот од „Џузепе Меаца“. Од следната сезона во дресот на Интер треба да биде Оливие Жиру. Францускиот напаѓач одигра солидно во Челзи, па иако се веруваше дека може да остане на „Стемфорд бриџ“, сепак, на крајот очигледно е дека ќе се пресели во Италија.
Жиру би требало да биде тандем со Лукаку во нападот, а се споменува дека кон „Џузепе Меаца“ може патот да го одведе и Дрис Мертенс, ѕвездата на Наполи.
