Според распоредот на Серија А, за денеска точно на пладне беше закажан мечот меѓу Интер и Сасуоло. Сепак, како што веќе од поодамна е познато, мечевите во италијанското првенство се одложени поради пандемијата со Коронавирусот и фудбалот едноставно мора да мирува.
Во едни вакви неочекувани услови кога фудбалот мирува речиси во цела Европа, единствен начин да се одигра еден меч е на видео игра. Токму таква е идејата и за мечот Интер – Сасуоло. Тие ќе играат на Pro Evolution Soccer 2020, а има дури и најава со линк на кој може да го гледате овој „дуел од Серија А“.
Според последните информации, италијанското првенство нема да продолжи пред 3 мај.
