Интер се ребрендира, го менува официјалното име и ќе добие ново лого

Еден од најголемите италијански спортски колективи, фудбалскиот клуб Интернационале, познат под краткото име Интер, во месец март ќе си го смени официјалното име кое сега е Фудбалски клуб Интернационале, и ќе се натпреварува како Интер Милано. Раководството најави дека клубот ќе добие и нов грб, на кој главни симболи ќе бидат буквите И и М.

Освен логото и името, Интер ќе го смени и генералниот спонзор чие име стои на предната страна на дресовите. Од следната сезона веќе нема да стои „Пирели“, туку најверојатно компанијата „Евергранд“.

Интер на 9 март ќе го прослави својот 113-ти роденден, па тогаш и официјално ќе биде претставен и реализиран револуционерниот потег.

Слично нешто со промена на грбот во 2017 година направи Јувентус, и тоа на Јуве му донесе голема заработка и поголема популарност на меѓународно ниво.