Екипата на Интер изненадувачки загуби на домашен терен од Сасуоло со 1:2, во меч од седмото коло на италијанската Серија А. До овој меч Нераѕурите беа перфектни, а и по првиот дел на дуелот против Сасуоло имаа водство од 1:0 и делуваше дека ќе продолжат со радости.
Сепак, во второто полувреме се случи чудо. Бајрами погоди за 1:1 во 54-тата минута, а само девет минути подоцна Сасуоло постигна и втор погодок преку Берарди. Интер се обиде да се спаси од пораз, но не успеа и на крајот домашните фудбалери поразени си заминаа од „Џузепе Меаца“.
Актуелниот првак Наполи победи со 4:1 против Удинезе во меч на кој во последните седум минути во игра беше Елиф Елмас. Лацио на „Олимпико“ во Рим го победи Торино со 2:0.
